Tuanze kuangalia njia mbadala za kuleta MABADILIKO Tanzania [CHADEMA}

Ndugu zangu,
       Najua kwa jinsi hali ilivyo itakuwa vigumu kunijibu. Ila napenda ifahamike tu kuwa binafsi majibu siyahitaji sana ila nikiona utekelezaji wa haya nitafarijika sana. La ikiwezekana kujibu pia nifurahi.

       Kuna wakati niliwahi kuandika (kwa katibu mkuu) kuhusu wasiwasi wangu kutokana na tabia za kinafiki za Serikali pamoja na chama kinachounda serikali. Nilikita hofu yangu zaidi kuhusu uliokuwa mtazamo wa wazi wa serikali wa kutotambua wala kuona umuhimu wa Katiba mpya nchini. Sikuwa nimeridhika na kitendo cha serikali kuamua ghafla kushika kibendera cha katiba wakati Waziri mwenye dhamana akishirikiana na mwansheria mkuu walitoa tamko kwa niaba ya serikali yao kuwa Tanzani haiko tayari na hakuna haja. Nilieleza wasiwasi wangu kuwa ile ni njia ya kunyamazisha mabadiliko ya kweli kwa serikali kutafuta uhalali wa kujipa nafasi ya kuendesha mabadiliko yatakayopelekea kupatikana kwa katiba isiyo ya wananchi na kwa maslahi ya CCM. Nlisisitiza kuwa Haiwezekani kupata katiba nzuri kama mchakato wa kupata katiba una kasoro tayari. Nilisema kuhusu upatikanaji wa waumbe wa mabaraza ya katiba (yote),kuwa sheria iliyopitishwa haikidhi kwa kushindwa kufafanua namna wawakilishi wa makundi maalum watakavyopatikana. Kuna kipindi niliwahi kuandika kwenye mtandao wa kijamii (jamii forrums-reffer to Elly BM posts) kuwa hali hiyo inakoenda itapelekea vyama vya upinzani na wanaharakati kuamka mwishoni kwa kuona kuwa mchakato una kasoro nyingi, hivyo kugomea mchakato, hivyo kupelekea aidha kupatikana katiba isiyo na ridhaa ya wanachi(ambayo nilitabiri itakuwa mbovu kuliko iliyopo) au kutokuwa na katiba mpya. Nilimalizia kuwa kwa ninavyoona yote hayo yana lengo la kuifanya CCM irudi madarakani 2015! Inanisikitisha kuona kuwa hayo yote ndiyo yanayotokea kwa sasa.Nahofia zaidi kuwa lile nililoona linakuja huenda likatokea. 

      Kwa muda mrefu kumekuwa na tatizo kubwa la serikali kutumia udhaifu wa wananchi kukwepa kutoa majibu stahiki kwa matatizo ya wananchi. Mpaka sasa nna uhakika kuwa serikali ilishaona kuwa watanzania wana desturi ya kuja na hoja kwa nguvu sana lakini baada ya muda, au baada ya kuzuka jambo jipya wanasahau na kuacha ya jana. Nadhani wote tutakumbuka jinsi hoja za upungufu wa umeme zilizotakiwa kutolewa majibu na serikali na TANESCO, lakini ikaishia kuzusha tiba ya BABU wa Loliondo. Media yote ikaacha Umeme ikabaki Loliondo. Mpaka leo umeme siyo wa uhakika, kina January makamba ni mawaziri wadogo na umeme hakuna anayesema waziwazi ni nini kimetokea! Waziri Muhongo anatangaza uharamu wa nguzo za South Africa na ubora wa nguzo zetu, sikuchache baadaye anasema za kwetu siyo bora, tutaendelea kuagiza kutoka nje, na bado anaendelea kuwa Waziri, anakuja Bungeni na anaangaliwa!

    Mpaka sasa bado wanachi wanapenda kujua ni kwa nini serikali ilisababisha mauaji ya raia wasio na hatia Arusha, na kwa nini Waziri mkuu alidanganya Bunge na wanachi na mpaka sasa hakuna majibu yaliyotolewa. Bado wananchi hawajui hatima ya madeni ya Dowans na kama hayalipwi. Bado hoja za Meremeta na EPA hazijashughulikiwa ipasavyo, wala haijulikani kama kama ni lini kutatolewa maibu ya msingi. Mifano ya aina hii ni mingi.

     Leo naomba nielezee hofu yangu juu ya hali hiyo. Kwa ninavyoona imeshazoeleka kuwa vyama pinzani vinatoa hoja za msingi, serikali na CCM vinajibu juujuu, majibu ya kitoto na yasiyoridhisha kabisa. Megine mpaka leo yanasubiri kutolewa miongozo na Spika wa Bunge mwenye ridha za CCM, ambaye mpaka sasa ameshindwa kabisa, yeye na Naibu wake kuonyesha walau ukomavu kidogo na kuepuka japo kinafiki tu ile hali ya wazi inayoonekana kuwa anafanya kazi za chama chake Bungeni na anadhibiti wabunge wa upinzani kwa kupindisha kanuni za bunge. Mpaka sasa majibu ya msingi kwa hoja zote za upinzani ni kuwa Wapinzani ni wazushi na wachochezi, wenye lengo la kutaka  nchi isitawalike tu. Na ni mbaya sana kwani inapofikia hapo hiyo ndiyo inakuwa hoja ya mwisho inaachwa hivyo. Naogopa kuwa siyo wananchi wote wana uelewa wa kutosha, hasa vijijini, kuhusu siasa za Tanzania. Nafikiri inaweza kufikia wananchi wa kawaida wakakubaliana na propaganda kuliko ukweli. na hili wote tunajua athari yake kwa mabadiliko ya nchi hii.

     Nafikiri ni muda muafaka kwa nchi kwa chama kuangalia njia mpya za kusonga mbele. Ni vizuri chama kikaanza kutafuta njia makini za kufanya Watanzania waone upi ukweli na uwongo. Na ni muhimu sana kwa sasa Kambi rasmi ya upinzani Bungeni itafakari mbinu za kufanya majibu ya msingi yatolewe kuhusu hoja zilizoahirishwa tangu nyuma pamoja na hatua za kuchukuliwa au kama kuna zilizochukuliwa wananchi wajulishwe.

     NAAMINI KUWA WOTE HATUTAPENDA KUONA MATOKEO YA KUPUUZWA kwani tutashindwa kuwasadikisha waTanzania kuwa swala la mabadiliko ni muhimu na serious kwa sasa.

 

     Katika harakati,